K-12

        'Film' dito , 'Commercial' doon , 'Sayaw dito' , 'Report' doon , mga halimbawa ng mga produktong kailangang ipasa . Halos lahat ng aming asignatura isa o dalawa rito ang naging produkto namin . Para sa ibang estudyante hindi maganda ang K-12 dahil sa matagal na pag-aaral nila sa hayskul , ngunit sa mga bagay - bagay na ginawa naming mga estudyante ngayong taon napagtanto ko may mabuting naidulot ang K -12 sa amin dahil sa iba't - ibang gawaing naidagdag mas nadagdagan rin ang tiwala sa sarili na posibilidad na magdala sa pangarap ng estudyante at pagsikapan pa ang pag - aaral . Hanggang sa muli aking blog !

Siya bilang Guro ♡♥♡

         Mailalarawan ko ang aking guro bilang prangka , malalim , maganda , at strikta . Ang aking guro ay hindi basta - basta , bubusisiin talaga ang bawat sagot mo kaya kailangang pag-isipin ang sasabihin . Kung minsan sa utak ko may katanungang bumabagabag , pero hindi ko pa naitatanong nabibigyan niya na ito ng kasagutan kaya ako ay nabibigyan kalinawagan . Matatawag na pinagpala ang mga estudyante ng aking guro sa ngayon at sasusunod pang taon dahil kung makikinig ka talaga sa kanya tiyak may matutunan ka at malilinawagan ka talaga sa mga bagay - bagay . May mga pagkakataong marami talaga siyang pinapagawang aktibidades pero napagtanto ko na malaki ang naitulong nito upang maunawaan pa ng isang estudyante ang kanilang pinag -aaralan . Hanggang sa muli aking blog !

Pangkat -Siyam ♥♡♥

          Sa pagtungtong ko sa pangkat - siyam marami aking natutunan , iba't - ibang kaklaseng nakilala , at mga karanasang hindi malilimutan . Iba't iba man ang mga kaugalian ng mga taong aking nakilala ko para sa mga taong ito , alam ko na mayroon silang ginampanang malaki sa buhay ko kaya salamat sa kanila at sila rin ang nagbigay - daan kaya ako ay maraming natutunan sa mga bagay -bagay . Mga karansan ko naman ay iba - iba para sa taong ito , may masaya , malungkot , nakakamangha at iba pang mga karanasan . Marami na ring nagbago sa pananaw ko sa buhay , kung dati ay ayos na ang pagkukumpleto ng mga dapat ipasa , ngayon ay dapat maipasa mo ito na naibigay mo ang buong puso mo sa paggawa nito dahil para sa akin mahalaga ang magkaroon ng mataas na marka ang iyong ginawa dahil sa balang araw makikita mo ang magandang bunga nito ^^ ayun lamang aking blog =)

PANGKATANG GAWAIN (TULA) ^^

REPLEKSYON PARA SA IKASIYAM NA LINGGO ^^

           Sa linggong ito kami ay nagkaroon ng "Pre-lims"  kaya aming inaasahang matapos itong isagawa magkakaroon kami ng pagtatama ng papel . Nagsagawa kami ng pangkatang gawain na may kaugnayan kay Maria Clara at ang bawat pangkat ay gumamit ng kani - kaniyang paraan ng pag-uulat karamihan ang nagdula-dulaan samantalang ang aming grupo ay nagdebate . Nagkaroon rin kami ng talakayan ukol sa pagdedesisyon ni Maria Clara sa kanyang buhay . Muli kaming nagkaroon ngbpangkatang gawain kung saan iniatas ng aming guro ang pag-uulat ng "Tunay na Pagibig" sa iba't - ibang paraan , angvpagsasagawa ng poster , awit , tula , at islogan . Para sa aming huling gawain ipinakunan ng aming guro ng litrato ang ginawa ng bawat pangkat at kinakailangang i-post ito sa aming blog pati na rin ang isasagawa naming maikling kwento tungkol sa kalakasan na dapat taglayin ni Maria sa gagawin naming maikling kuwento . Ayun lamang para sa linggong ito aking blog !

ANG MAKABAGONG MARIA CLARA ^^

q

REPLEKSYON PARA SA IKAWALONG LINGGO ^^

          Matapos naming pagtuunan ng pansin si Crisostomo Ibarra sina Elias , Maria , at Sisa naman ang amingvpinagtuunan . Si Elias ang pinaka-pinagtuunan namin ng pansi para sa linggong ito . Si Elias ay mabuti at matapang na kaibigan para sa akin dahil kahit nalaman niya ang tungkol sa mga ninuno ni Crisostomo Ibarra , ang nagpahirap sa kaniyang pamilya , pinili niya pa rin ang pagkakaibagan nila at itinuloy ang hangarin sa kanilang bayan . Isa ring matatag at makabayan si Elias dahil sa kabila ng kanyang karanasan ng siya ay bata pa lamang at naituring na siyang rebelde sa kanilang bayan , ninais niya pa rin na magkaroon ng pagbabago sa kanyang bayan . Ipinaghamibing namin si Maria Clara kay Sisa kung saan si Maria ay may malaking kaibahan kay Sisa . Sa kutis at pananamit pa lamang ay makikita na . Si Maria ay kumakatawan sa dalagang Pilipina samantalang si Sisa ay kumakatawan sa ulirang ina at asawa . Hanggang sa muli aking blog !

REPLEKSYON PARA SA IKAPITONG LINGGO ^^

           Magandang umaga aking blog ! Sa linggong ito aming napagtuunan ng pansin ang pangunahing tauhan na si Crisostomo Ibarra ng nobelang Noli . Sinagot na rin namin ang katanungang iniwan ng aming guro , kung saan si Crisostomo Ibarra ay mangingibig at biktima nga ba ng pagkakataon . Sa mangingibig dahil lubos at tapat ang kanyang pagmamahal sa kanyang sinisinta na si Maria Clara at sa biktima ng pagkakataon dahil sa isa siyang anak ni Don Rafael Ibarra na labis na kinaiinggitan ni Padre Damaso kaya napagtuunan siya ng pansin ni Padre Damaso at nakaranas siya ng kasawian sa kanyang buhay . Tinalakay rin namin ang mga nagbigay kay Crisostomo Ibarra at ito ay sina Padre Damaso , Maria Clara , at ang mamamayan ng San Diego . Nagsagawavrin kami ng "Mack Trial" kung saan kailangang mailitis ng bawat grupo ang ibinigay na tauhan ng aming guro mula sa Noli at sila ay si Crisostomo Ibarra at si Elias . Matapos ang "Mack Trial" nanaig ang grupo ni Crisostomo ibarra para sa aming hukom na ginanapan ng isa sa aming kaklasengunit ang grupo na Elias ang nanaig para sa aming guro . Hanggang sa muli aking blog !

REPLEKSYON PARA SA IKAANIM NA LINGGO ^^

         Magandang gabi aking blog ! Sa linggong nakalipas nakatuon pa rin ang aming talakayan sa nobelang Noli Me Tangere . Nagkaroon muli kami ng pangkatang gawain nang sa gayon lalo pa naming maunawaan ang pagkatao ng pangunahing tauhan na si Crisostomo Ibarra . Sa naganap na pangkatang gawain aking napagtanto ang mahahalagang pangyayari sa buhay ni Crisostomo Ibarra bilang mangingibig at anak . Bilang mangingibig ni Crisostmo siya ay naging tapat dahil sa pangyayari sa kabanatang pinamagatang suyuan sa asotea , dito kahit na nasa Europa si Crisostomo Ibarra inaalala niya pa rin si Maria Clara . Siya rin ay biktima ng pagkakataon dahil sa ama niya si Don Rafael Ibarra na labis ikinainggitan ni Padre Damaso , kaya naman nakaranas si Crisostomo Ibarra ng kasawian sa kamay ni Padre Damaso . Ayun lamang aking blog , hanggang sa muli  !

REPLEKSYON PARA SA IKALIMANG LINGGO ^^

           Sa linggong ito , ipinagpatuloy ang pag-uulat ng bawat pangkat at kaming pangkat ang nanguna at matapos naming mag-ulat ang tanging ginawa ng mga natapos na pangkat ay ang makinig sa huling mag-uulat , ang pangkat apat . Sa pag-uulat ng huling pangkat marami kaming nakinig dahil kasama rito ang iba pang estudyante ng aming guro at sa huling araw ng linggong ito dahil sa malapit na ang araw ng mga puso , ang aming guro ay inatasan kaming lahat upang gumawa ng isang tula na para sa isa o mga tao na mahal mo na ilalagay sa makulay na papel . Ayun lamang at Maligayang araw ng mga puso ♥♡♥

REPLEKSYON PARA SA IKAAPAT NA LINGGO ^^

        Masaya ako sa linggong ito dahil naganapvna ang "Parade of Characters " na isinagawa ng bawat pangkat . Ikinatuwa ng aming guro ang presentasyon ng bawat pangkat . Nakakatuwang isipin na halos lahat ay nabigyang hustisya ang kani-kanilang ginanapan sa mga tauhan ng Noli Me Tangere . Ang aking ginanapang tauhan ay si Sisa ngunit ang napiling pinakamahusay na gumanap na Sisa ay nasa ikalawang pangkat at napansin din ang Crispin at Basilio na ginanapan ng isang miyembro sa unang pangkat na lubos naming ikinatuwa . Sa naganap na "Parade of Characters" nakilala ko pa lalo ang mga katauhan ng Noli . Nagkaroon din kami ng pag-uulat na sinimulan ng pangkat isa . Iniulat nila ang mga kabanatang ibinigay sa kanila ng aming guro . Maganda ang kanilang presentasyon para sa akin . Ayun lamang para sa linggong ito aking blog hanggang sa muli.

REPLEKSYON PARA SA IKATLONG LINGGO ^^

        Makalipas ang isang linggo , ang mahahalagang tauhan sa Noli Me Tangere ang aming tinalakay . Pinag-usapan din namin ang kaugnayan ng mahahalagang tauhan sa mga totoong taong nakapaligid sa buhay kay Rizal kaya masasabing ganoon na lamang kaganda ang nobelang Noli Me Tangere , halimbawa nito ay si Maria Clara na ideyal na babae ni Rizal . Aking natutunan na kung ikaw ay isang manunulat mas magiging maganda ang iyong akda kung ito'y may kaugnayan sa iyong buhay .

REPLEKSYON PARA SA IKALAWANG LINGGO ( IKAAPAT NA MARKAHAN ^^ )

   Magandang buhay ! Sa linggong ito aming inalam ang maaaring dahilan kung bakit nga ba isinulat ni Jose Rizal ang nobelang Noli me tangere , at ng malaman ko ang mga kadahilanan lalo akong humanga at napaisip sa katahuan ni Jose Rizal . Nagkaroon ng debate tungkol sa paggamit ni Jose Rizal ng kanyang panulat para sa kapakanan ng bayan. Sa debateng ito kailangan maipaglaban ng dalawang grupo kung dapat ba o di-dapat ginamit ni Jose Rizal ang kanyang panulat para sa kapakanan ng bayan . Para sa akin , dapat na ginamit ni Jose Rizal ang kanyang panulat para sa kapakanan ng bayan dahil sa pamamagitan nito nagising ang mga Pilipino sa pang-aabuso ng mga mananakopsa ating bansa .

UNANG LINGGO PARA SA IKAAPAT NA MARKAHAN ^^

       Hay ... kay bilis ng panahon ikaapat na markahan na .
Narito ang pagbabalik tanaw sa aming ginawa at tinalakay sa unang linggo . Sa unang araw ng ikaapat na markahan ipinaalam na ni Gng . Mixto ang aming medyo may pagkabigat na proyekto kaya agad nyang ipinaalam at ito ang paggawa ng 'short film' at 'movie 'trailer' para sa 'short film' na aming gagawin tungkol ito sa Noli Me Tangere na aming tatalakayin sa huling markahan . Aming tinalakay ang aming kaalaman tungkol sa Noli Me Tangere , marami sa amin ang pamilyar na sa Noli Me Tangere ni Jose Rizal ngunit  marami pa kaming dapat alamin sa Noli at tinatawag pala itong klasikong babasahin sapagkat ito'y konektado pa rin sa panahong moderno ngayon kahit ito'y napakatagal ng nagawa o nailabas sa publiko .
        Nagkaroon kami ng unang pagtataya sa ikaapat na markahan na pinamunuan ni Ginoong Mixto at amin ring itong itinama . Nakakuha ako ng pasadong marka  kaya namansa tingin ko may kaunting kaalaman na ako para sa mga aralin ng ikaapat na markahan.

Repleksyon para sa ikalimang linggo

        Sa linggong ito ang mga sumusunod ang aming tinalakay . Una ang elehiya ng anak para sa kanyang magulang na aming pinakinggan at pagkatapos nito'y nagbigay si Gng . Mixto ng gawain kung saan ibibigay namin ang aming naramdaman o mararamdaman kung nawalan o mawalan ka man ng minamahal sa buhay kaya't naalala ko ang aking lolo at naramdamang muli ang sobrang lungkot ng siya'y nawala .
        Ang elehiya rin para sa aking kuya ay aming tinalakay kung saan aking natutunan na dapat habang buhay pa ang mga taong mahal mo sa buhay ay naiparamdam mo na sa kanila ang pagmamahal mobpara sabkanila at natutunan kobrin ang kahulugan ng elehiya , na ang elehiya ay isang tulang liriko na naglalarawan ng pagbubulay-bulay o guni-guni na nagpapakita ng masidhing damdamin sa ala-ala ng isang mahal sa buhay